త్రేన్పులు
వచ్చినప్పుడు ఒక్కోసారి తిన్న పదార్థాలు గొంతులోకి రావటం దానితో గొంతు మంట పుట్టటం
మీకు అనుభవమేనా? ఈ మంటకు కారణం మన జీర్ణాశయంలో ఉండే హైడ్రోక్లోరిక్
ఆమ్లమే(HCl)! హైడ్రోక్లోరిక్ ఆమ్లం మనం తిన్న పదార్థాలు జీర్ణం
కావటానికి సహాయ పడుతుంది. ఈ ఆమ్లం ఎంత గాఢముగా ఉంటుందంటే ఇది రేజర్ బ్లేడును కూడా
కరిగించగలదు. మరి ఇంత గాఢత ఉన్న ఆమ్లం నిజానికి మన జీర్ణాశయాన్ని కూడా గాయపరచాలి.
కానీ అలా జరగటం లేదు.
ఎందుకంటే, మన జీర్ణాశయ గోడలు పొరల రూపంలో
ఉంటాయి. ఆ పొరల్లోని కణాలు ఎప్పటికప్పుడు చనిపోతూ కొత్త కణాలు తయారవుతూ ఉంటాయి.
దానివల్ల జీర్ణాశయ గోడల్లోని పొరలు ఎంతో దృఢముగా ఉంటాయి. జీర్ణరసాలు నష్టం
కలిగించని రీతిలో ఉంటాయి. అయితే సమయానికి ఆహారం తీసుకోవాలి. లేదంటే భోజన వేళకు
జీర్ణకోశంలో తయారయ్యే ఈ ద్రవాలు అక్కడ ఆహారం లేకపోయేసరికి జీర్ణాశయంలో నిల్వ
ఉండిపోయి అక్కడి గోడల్ని గాయపరుస్తాయి. ఫలితముగా అల్సర్ లాంటి రుగ్మతలు
మొదలవుతాయి.
No comments:
Post a Comment