ఆధునిక భౌతిక శాస్త్రం --- మాదిరి ప్రశ్నలు 1

1.   సహజ రేడియోధార్మికతలో విడుదలయ్యే కిరణాలేవి?
జవాబు: α, ß, γ

2.   α, ß, γ కిరణాలకు మరో పేరు?
జవాబు: బెక్వరల్ కిరణాలు

3.   α-కణం విడుదలైనప్పుడు పరమాణు సంఖ్యలో తగ్గుదల?
జవాబు: 2 యూనిట్‌లు

4.   α-కణం విడుదలైనప్పుడు ద్రవ్యరాశి సంఖ్యలో తగ్గుదల?
జవాబు: 4 యూనిట్‌లు

5.   α-కణాన్ని కనుగొన్న శాస్త్రవేత్త?
జవాబు: రూథర్‌ఫర్డ్

6.   అత్యధిక అయనీకరణ సామర్థ్యం ఉన్న కణం?
జవాబు: α-కణం

7.   అత్యధిక చొచ్చుకుపోయే సామర్థ్యం ఉన్న కణం?
జవాబు: γ -కణం

8.   సహజ రేడియోధార్మికత ప్రక్రియలో ß కణం విడుదలైనప్పుడు పరమాణు సంఖ్యలో పెరుగుదల?
జవాబు: 1 యూనిట్

9.   ß-కణాన్ని కనుగొన్నవారు?
జవాబు: రూథర్‌ఫర్డ్

10.     γ-కణం విడుదలైనప్పుడు పరమాణు సంఖ్య, ద్రవ్యరాశి సంఖ్యలో మార్పు?
జవాబు: ఉండదు

11.     γ-కణాన్ని కనుగొన్నవారు?
జవాబు: విల్లార్డ్

12.     రేడియోధార్మిక శ్రేణులు ఎన్ని రకాలు?
జవాబు: నాలుగు రకాలు. అవి..
ఎ. థోరియం శ్రేణి లేదా4n శేణి
బి. యురేనియం శ్రేణి లేదా 4n+2 శ్రేణి
సి. ఆక్టీనియం శ్రేణి లేదా 4n+3 శ్రేణి
డి. నెఫ్ట్యూనియం శ్రేణి లేదా 4n+1 శ్రేణి

13.     సహజ రేడియోధార్మిక శ్రేణుల్లో చిట్టచివరి మూలకం?
జవాబు: సీసం (పరమాణు సంఖ్య = 82, లాటిన్ నామం ప్లంబం pb)

14.     రేడియోధార్మికతకు ప్రమాణాలేవి?
జవాబు: బెక్వరల్, రూథర్‌ఫర్డ్, క్యూరి (రేడియోధార్మికతకు చిన్న ప్రమాణం Bq (బెక్వరల్))
Bq = విఘటనం/ సెకన్
రూథర్‌ఫర్డ్ (R.d) = 10⁶  విఘటనం/సెకన్
రూథర్‌ఫర్డ్ (R.d) = 10⁶ Bq
క్యూరీ (C.I) = 3.7×10¹⁰  విఘటనం/సెకన్
                  = 3.7×10¹⁰  Bq
                  = 3.7×10⁴  ×10⁶  Bq
క్యూరీ (C.I) = 3.7×10⁴  R.d (R.d - రూథర్‌ఫర్డ్)
రేడియోధార్మికతకు అతి పెద్ద ప్రమాణం క్యూరీ.

15.     ప్రకృతిలోని ప్రాథమిక బలాల్లో అత్యంత బలమైంది?
జవాబు: బలమైన కేంద్రక బలం

16.     కేంద్రక బలాలను మీసాన్ సిద్ధాంతంతో వివరించిందెవరు?
జవాబు: యుకావా

17.     పరమాణు కేంద్రకం పాల్గొనే చర్యలు?
జవాబు: కేంద్రక విచ్ఛిత్తి, కేంద్రక సంలీనం

18.     కేంద్రక విచ్ఛిత్తి ప్రక్రియను వివరించిందెవరు?
జవాబు: అట్టోహాన్, స్ట్రాస్‌మన్, లిసేవెయిట్‌నర్

19.     కేంద్రక విచ్ఛిత్తి ప్రక్రియ జరగడానికి ఉపయుక్తమైన కణం?
జవాబు: ఉష్ణీయ న్యూట్రాన్

20.     ఉష్ణీయ న్యూట్రాన్ అంటే?
జవాబు: తక్కువ వేగం ఉన్న న్యూట్రాన్ (ఉష్ణీయ న్యూట్రాన్ శక్తి 0.04 ev కంటే తక్కువగా ఉంటుంది)

21.     కేంద్రక విచ్ఛిత్తి ప్రక్రియలో విడుదలయ్యే న్యూట్రాన్లు ఏ శ్రేణిలో ఉంటాయి?
జవాబు: గుణ శ్రేణి న్యూట్రాన్లు విడుదలయ్యే క్రమం: 3, 9, 27, 81, 243, 729....

22.     కేంద్రక విచ్ఛిత్తి ప్రక్రియ ఒక యురేనియం మూలకం అంతరించిపోయే వరకు జరుగుతుంది. ఈ చర్య పేరు?
జవాబు: శృంఖల చర్య

23.     శృంఖల చర్య ఎన్ని రకాలుగా జరుతుంది?
జవాబు: రెండు రకాలుగా. అవి..
ఎ. అనియంత్రిత శృంఖల చర్య
బి. నియంత్రిత శృంఖల చర్య

24.     అనియంత్రిత శృంఖల చర్య ఆధారంగా పనిచేసేది?
జవాబు: ఆటమ్ బాంబు (అణు బాంబు)

25.     అణు బాంబు సృష్టికర్తలు?
జవాబు: అట్టోహాన్, స్ట్రాస్‌మన్

26.     అణు బాంబును మొట్టమొదటిసారిగా ఏ దేశంపై ప్రయోగించారు?
జవాబు: జపాన్

27.     అణు బాంబును మొదటిసారిగా ఏ నగరంపై విసిరారు?
జవాబు: హిరోషిమా
ఆగస్టు 6న హిరోషిమాపై అణు బాంబువేశారు. కాబట్టి ఆగస్టు 6ను హిరోషిమా డే అని పిలుస్తారు. హిరోషిమాపై విసిరిన బాంబు పేరు లిటిల్ బాయ్.

28.     అణు బాంబును జపాన్‌లోని ‘నాగసాకి’ నగరంపై వేసిన రోజు?
జవాబు: ఆగస్టు 9. అందుకే ఆగస్టు 9ని నాగసాకి డే అని పిలుస్తారు. నాగసాకి నగరంపై వేసిన బాంబు పేరు ఫ్యాట్‌మాన్.

29.     నియంత్రిత శృంఖల చర్య ఆధారంగా పనిచేసే పరికరం?
జవాబు: న్యూక్లియర్ రియాక్టర్

30.     న్యూక్లియర్ రియాక్టర్‌ను కనుగొన్న శాస్త్రవేత్త ఎవరు?
జవాబు: ఎన్‌రిక్ ఫెర్మి
అమెరికాకు చెందిన ఫెర్మి 1942 డిసెంబర్‌లో న్యూక్లియర్ రియాక్టర్‌ను రూపొందించాడు. ఇతణ్ని న్యూక్లియర్ రియాక్టర్ పితామహుడిగా పిలుస్తారు. ఫెర్మి గౌరవార్థం పరమాణు కేంద్రక పరిమాణాన్ని ఫెర్మిలలో కొలుస్తారు. పరమాణు కేంద్రక వ్యాసార్ధం విలువ = 10^-15  m

31.     న్యూక్లియర్ రియాక్టర్‌లో ఎన్ని ప్రధాన భాగాలుంటాయి?
జవాబు: 5

32.     న్యూక్లియర్‌లో ఉపయోగించే ఇంధన పదార్థాలు ఏవి?
జవాబు: యురేనియం, థోరియం, ఫ్లూటోనియం.
ఈ ఇంధన పదార్థాలను స్తూపాకార అల్యూమినియం గొట్టాల్లో నింపుతారు.

33.     న్యూక్లియర్ రియాక్టర్‌లోని మితకారి పదార్థం ప్రయోజనం?
జవాబు: న్యూట్రాన్‌ల వేగం తగ్గించడం

34.     న్యూక్లియర్ రియాక్టర్‌లో మితకారిగా ఉపయోగించే పదార్థాలు?
జవాబు: భారజలం, గ్రాఫైట్, బెరీలియం, పారఫిన్.
భారజలానికి మరో పేరు డ్యూటీరియం ఆక్సైడ్. దీన్ని యురే అనే శాస్త్రవేత్త కనుగొన్నాడు.

o    ప్రస్తుతం ఇండియాలో 9 భారజల కేంద్రాలు ఉన్నాయి.

o    భారతదేశంలో మొదట పంజాబ్‌లోని నంగాల్‌లో భారజల కేంద్రాన్ని ఏర్పాటు చేశారు.

o    తెలంగాణ రాష్ర్టంలోని ఏకైక భారజల కేంద్రం ఖమ్మం జిల్లాలోని మణుగూరులో ఉంది.

o    గ్రాఫెట్‌ను లెడ్ పెన్సిళ్ల తయారీలో, భారీ యంత్రాల్లో కందెనగా ఉపయోగిస్తారు.

o    లెడ్ పెన్సిల్‌లో లెడ్ ఉండదు.

o    గ్రాఫెట్ కార్బన్ రూపాంతరం.

o    కార్బన్‌కు అలోహ ధర్మం ఉన్నప్పటికీ గ్రాఫైట్ లోహ ధర్మాన్ని పాటిస్తుంది.

o    కార్బన్‌ను ‘కింగ్ ఆఫ్ ది ఎలిమెంట్స్’ అని పిలుస్తారు.

35.     న్యూక్లియర్ రియాక్టర్‌లో వాడే నియంత్రణ కడ్డీల ప్రయోజనం?
జవాబు: చర్యా వేగాన్ని తగ్గించడం

36.     న్యూక్లియర్ రియాక్టర్‌లో ఉపయోగించే నియంత్రణ కడ్డీలు?
జవాబు: బోరాన్, కాడ్మియం

37.     న్యూక్లియర్ రియాక్టర్‌లో జరిగే కేంద్రక చర్యల వల్ల విడుదలయ్యే ఉష్ణాన్ని బయటకు తీసుకొచ్చేందుకు ఉపయోగపడేది?
జవాబు: శీతల కారిణి (శీతల కారిణిగా ఉపయోగించే పదార్థాలు భారజలం, ద్రవ సోడియం)

38.     కేంద్రక సంలీన చర్యలకు మరో పేరు?
జవాబు: ఉష్ణకేంద్రక చర్యలు

39.     సూర్యుడు, నక్షత్రాల్లో నిరంతరం జరిగే చర్యలు?
జవాబు: కేంద్రక సంలీన చర్యలు

40.     సూర్యుడి నుంచి లభించే విటమిన్?
జవాబు: విటమిన్-డి

41.     హైడ్రోజన్ బాంబు ఏ సూత్రం ఆధారంగా పనిచేస్తుంది?
జవాబు: అనియంత్రిత కేంద్రక సంలీన చర్య
హైడ్రోజన్ బాంబును ఎడ్వర్డ్ టెల్లర్ తయారు చేశారు. ఇతడిని హైడ్రోజన్ బాంబు పితామహుడిగా పిలుస్తారు. మొదటి హైడ్రోజన్ బాంబు పేరు మైక్.

42.     కేంద్రక సంలీన చర్యలు భూమి, చంద్రుడిపై జరగకపోవడానికి కారణం?
జవాబు: హైడ్రోజన్‌కు ఉన్న స్వల్ప పలాయన వేగం.
వాయు కణాలు తప్పించుకొని పోయేందుకు కావల్సిన కనీస వేగాన్ని పలాయన వేగం (Ve) అంటారు.

o    భూమిపై హైడ్రోజన్ పలాయన వేగం - 11.2 కి.మీ./సెకన్

o    చంద్రుడిపై హైడ్రోజన్ పలాయన వేగం - 2.38 కి.మీ./సెకన్

o    సూర్యుడిపై హైడ్రోజన్ పలాయన వేగం - 620 కి.మీ./సెకన్

43.     కేంద్రక సంలీన చర్యలో పాల్గొనే మూలకం?
జవాబు: హైడ్రోజన్

44.     కేంద్రక సంలీన చర్య జరిగిన తర్వాత ఏర్పడే మూలకం?
జవాబు: హీలియం

45.     సూర్యుడికి మరో పేరు?
జవాబు: హీలియో